影片
更多
2020-08-19
1024 浏览
我住系葵涌十年……因为返工返得早，平时无得去开花结果（放工佢已经收左，所以有时会赶返去食），几乎一放假一定有一两餐开花结果。星期日唔开，所以系等到颈都长。早餐、午餐、下午茶都食匀，都未厌……我真系好钟意呢间铺头。沙律餐系一定食，我试过癫到去堂食，再外买个餐返屋企做晚餐……不过我想提ge系佢ge午餐，其实都好好味，我意思系佢d饭餐……好味之外，我见到佢好用心整！Tea同早餐比，我就钟意早餐多d。老实讲，呢间铺个老板娘同伙记都黑口黑面，说话冷冷的，但食开又觉得佢地无野！因为佢地真系好忙，试过繁忙时间去，根本忙到无停手。我从来无同佢地倾过计，但系可能因为我食得太密，所以佢地认得我，见到我会问我，「放假呀！」，咁先难得少有见到佢地轻轻一笑……（伙记同老板娘都试过，你可以想像到我食得有几密……）老实讲，唔系唛野贵价餐，但我见佢地用心做，密密做……唔系个种会同你Social慢慢倾ge人，快手快脚做多几台客。街坊小店，目标客户系我呢d单身返工客。见到有人讲佢地态度唔好，我觉得唔系，佢地系有自己ge性格遮………至于食物质素……我食得咁密，都无试过食到唔新鲜……我唔觉得系我好彩……清洁方面我又觉得唔太差
（放工佢已经收左，所以有时会赶返去食），几乎一放假一定有一两餐开花结果。
星期日唔开，所以系等到颈都长。早餐、午餐、下午茶都食匀，都未厌……我真系好钟意呢间铺头。
沙律餐系一定食，我试过癫到去堂食，再外买个餐返屋企做晚餐……
不过我想提ge系佢ge午餐，其实都好好味，我意思系佢d饭餐……好味之外，我见到佢好用心整！
Tea同早餐比，我就钟意早餐多d。
老实讲，呢间铺个老板娘同伙记都黑口黑面，说话冷冷的，但食开又觉得佢地无野！
因为佢地真系好忙，试过繁忙时间去，根本忙到无停手。
我从来无同佢地倾过计，但系可能因为我食得太密，所以佢地认得我，见到我会问我，「放假呀！」，咁先难得少有见到佢地轻轻一笑……
（伙记同老板娘都试过，你可以想像到我食得有几密……）
老实讲，唔系唛野贵价餐，但我见佢地用心做，密密做……唔系个种会同你Social慢慢倾ge人，快手快脚做多几台客。
街坊小店，目标客户系我呢d单身返工客。
见到有人讲佢地态度唔好，我觉得唔系，佢地系有自己ge性格遮………
至于食物质素……我食得咁密，都无试过食到唔新鲜……我唔觉得系我好彩……
清洁方面我又觉得唔太差，比起附近d铺头，佢ok㖞！
我知道佢地繁忙时间去会好迫，所以我通常拣无人果d时间去。
最后，人夹人缘，我真系几钟意呢间铺……！
张贴