小確幸咖啡館

营业中

休息中

#搞串个pantry今次就去到以锁车队🔒闻名于世嘅#沙田 第一城揾食，嚟到一间街坊西式餐厅🍽️，呢度主要食意粉🍝、全日早餐、扒餐🥩等等。呢间餐厅有大部分座位都系商场内半开放式，感觉就好似有冷气嘅露天茶座🏖️。我哋就嗌咗🟣早餐set(炒滑蛋、吉列鱼、丹麦酥多士)($60)、🔵温泉蛋卡邦尼意粉($56)。炒滑蛋、吉列鱼、丹麦酥多士🌟🌟🌟仲有沙律🥗、粟米🌽。丹麦酥多士🍞非常好食，成块好香脆，好酥😋！！吉列鱼柳表皮炸得几好🔥，炸衣唔会太厚，食落鱼柳都好嫩滑，不过就间唔中有阵腥味😖。而个炒滑蛋就一般般，食落口有啲干身，无乜味。温泉蛋卡邦尼意粉🌟温泉蛋略嫌熟得滞😣，做唔到蛋黄流出嚟嘅效果。成个意粉食落味道偏淡，而酱汁偏稀🤨，令意粉食落得返麦味。除咗意粉之外，仲有啲烟腩肉🥓，不过同样唔香口。建议可以先煎香🍳啲烟腩肉先再放落意粉。