阿龍巴基斯坦咖喱

营业中

休息中

话说呢期天气几冻下，香港又有疫情，听讲食咖哩可以治武汉肺炎，咁我就用老婆去食返餐巴基斯坦咖哩晚餐。每次一个人食一系食咖哩牛腩或者咖哩鸡，咁今次同老婆就会叫埋其他野。呢度啲咖哩呢就系巴基咖哩，好多洋葱碎，所以每一啖咖哩都有蔬菜，好健康的。咖哩都好香浓，虽然唔似注：印度咖哩咁多做法，但胜在一种咖哩够稳阵。（每种肉食个底都有啲唔同）今次就食咖哩牛腩，因为老婆中意食咖哩牛腩。 牛腩就做到基本要求，就系够淋，吸埋咖哩汁送饭一流。另外，今次食饭叫左咖哩羊腩，第一次食，就差少少喇。羊腩太过淋，无晒咬口，同埋太碎太多骨，食得唔小心会咬到骨。每次两人以上食呢间野，就一定会食蕃茄。呢到啲蕃茄入货好稳定，每次都系多汁大肉茄，好甜好多汁。落少少咸调味就最好喇。加上咖哩太辣可以减辣，所以一定要食。食晚饭紧要饮啤酒。呢间铺就普通街坊店，老板娘都算热情，系个羊腩失左手，总之想食咖哩就会过黎。