銘興山西刀削麵 (大同新邨) (已搬遷) 新店位置

铭兴山西刀削面 (大同新邨) (大角咀)大角咀埃华街89-105号大同新邨L座大卫楼地下4B号舖有一个食极唔肥，会清枱的伴侣，好处就系可以叫好多嘢食，试好多款唔同嘅食物，系开心🥳东坡肉饭$45东坡肉焖得够淋，皮入口即溶，肉松软。饭够大碗一定饱。花雕醉鸡刀削面$56热汤面，面质爽滑弹牙，有质感。醉鸡入味，浓郁花雕香，鸡肉嫩滑，好惹味。流心蛋超滑。凉拌海蜇$42极爽口，挂满辣汁好香口。麻辣鸡肾 小 $42呢家辣度唔会好狠，小辣冇咩辣度，中辣大辣应该唔会过份夸张，鸡肾爽脆烟靭。凉拌皮蛋$20皮蛋超好味，辣汁恰到好处，皮蛋原有嘅刺激味中和咗，非常可口。华田脆脆$8奶茶脆脆$8两款脆脆冻饮卖相好，非常好饮，脆脆带香浓朱古力味，溶到饮品里面会令饮品味道更浓，口感更creamy。口水鸡刀削面转冷面$66冷面有青瓜丝，麻酱同担担酱捞，清新又够味，同汤面唔同，冷面更爽口。口水鸡系顺德招牌麻辣菜式，呢度比较啱港人口味唔会太麻太辣，但不失口水鸡风味，鸡肉嫩滑，好味。