樂園潮州粉麵 (已結業)

有朋友住呢一区。通常如果谂唔到晚饭食乜嘢都会落嚟打冷今晚事头婆推介大头虾。用潮州冻蟹嘅做法。虾头有膏虾肉够爽甜。唔使点普宁豆酱或鱼露都好好味。算系冇介绍错。其他都系一般打冷会叫嘅菜。韭菜猪红煮得够入味。卤水牛杂亦都一样炆得入味。潮州蚝烙干身亦够脆。要特别一赞而家嘅通胀环境啲碟头份量依然咁多。叫咗咁多重口味嘅嘢，于是叫番碟白灼通菜中和一下。最后上枱嘅系方鱼蚝仔肉碎粥。四个人眨吓眼就KO 所有食物。非常满意的一餐。