福岡拉麵 (已結業)

喺西湾河住左咁多年，对太安楼既认识就系多小食档同车仔档。虽然有太兴同大家乐，但绝少会喺太安楼既食店坐低食...福冈拉面都开左一断几长既时间，但因为佢近油站果边，唔会成日行过，所以好多时都唔记得左佢...直到有一日想起咁耐都冇试过，就拣左去食晚餐。可能我系平日去，全店一半人都坐唔满。又或者果边真系太少人会行过啦!估唔到果个位咁细都可以开到一间拉面店，而且座位尚算舒适。估唔到太安楼除左住宅面积实用，连店铺都系一样!不过啲梳化好似有啲旧，唔系话好好好干净果啲。不过喺太安楼揾野食都系平民性价比之选，不能挑剔太多。食物方面几有惊喜：叫餐有小食，小食系一个似牛杂既物体，味道ok...不过卖相真系唔太吸引。滑蛋猪扒饭既猪扒刚刚炸起，唔会俾啲滑蛋浸淋哂。肉质都几松化，亦炸得岩岩好，趣卜卜；滑蛋比较生，可以再多煮一阵，面头配上紫菜、中间都有一啲菇。以街坊式既滑蛋猪扒饭黎讲绝对系足料!另外叫既系牛柳粒(唔记得叫咩名)牛柳粒烧得好香口，肉质juicy，烧汁非常惹味。配埋薯角充满铁板风味。今次冇食到鱼生，下次试下新唔新鲜先!虽然喺太安楼黎讲价钱唔算平，但系佢既质素同铜锣湾既日式西餐厅黎讲佢既价钱绝对相宜!