影片
更多
2011-10-03
25 浏览
第二次同屋企人去TUM YUM THAI开饭虽然之前只系食过一次，但我一直对呢个餐厅印象唔错。主要原因系嘢食几好食，而且比起一般有少少装潢嘅泰国餐厅抵食得多，所以如果有朋友想食泰国菜，TUM YUM THAI都系我首选推介。去到大约七点半，屋企人已经点好菜了。当时都仲有位可以直接walk-in，不过食食下已经full house，闲日黎讲、生意唔错。我地四个人叫左六样嘢: 烤虾饼、沙嗲鸡肉串烧、青木瓜沙津、冬阴公汤河、炒粉丝同青咖哩。脆炸虾饼好好味!! 外型十足水泡饼咁，热辣辣应该系新鲜炸起。我觉得虾肉都几弹牙，配埋泰式辣酱好正!!第二样食嘅系青木瓜沙律!! 我觉得好好食。因为其他食肆比较少卖青木瓜沙律，就算有都几贵下，而家$30每人少少开下胃口唔错。讲返味道，由于上次食辣得济妈咪食唔到仲咳到死死下，今次就叫左小辣。小辣仲试到沙律嘅真味，青木瓜同红萝卜丝配上花生碎，味道酸辣清新爽口，正!!之后独食左一条鸡肉串烧 鸡肉好好肉，唔似得啲「沽寒」铺头得两、三粒肉丁，而系真系一串串鸡柳。食落仲有炭烧味道，赞好!! 不过我觉得沙嗲汁有待改善，唔系话唔好食，不过质地比较稀，花生碎又不足，似咖哩多啲
虽然之前只系食过一次，但我一直对呢个餐厅印象唔错。主要原因系嘢食几好食，而且比起一般有少少装潢嘅泰国餐厅抵食得多，所以如果有朋友想食泰国菜，TUM YUM THAI都系我首选推介。
去到大约七点半，屋企人已经点好菜了。当时都仲有位可以直接walk-in，不过食食下已经full house，闲日黎讲、生意唔错。
我地四个人叫左六样嘢: 烤虾饼、沙嗲鸡肉串烧、青木瓜沙津、冬阴公汤河、炒粉丝同青咖哩。
脆炸虾饼好好味!! 外型十足水泡饼咁，热辣辣应该系新鲜炸起。我觉得虾肉都几弹牙，配埋泰式辣酱好正!!
第二样食嘅系青木瓜沙律!! 我觉得好好食。因为其他食肆比较少卖青木瓜沙律，就算有都几贵下，而家$30每人少少开下胃口唔错。讲返味道，由于上次食辣得济妈咪食唔到仲咳到死死下，今次就叫左小辣。小辣仲试到沙律嘅真味，青木瓜同红萝卜丝配上花生碎，味道酸辣清新爽口，正!!
之后独食左一条鸡肉串烧 鸡肉好好肉，唔似得啲「沽寒」铺头得两、三粒肉丁，而系真系一串串鸡柳。食落仲有炭烧味道，赞好!! 不过我觉得沙嗲汁有待改善，唔系话唔好食，不过质地比较稀，花生碎又不足，似咖哩多啲。
炒粉丝就真系普普通通，好似无咩味咁，得芽菜同蛋碎捞埋。不过妈咪话粉丝好难炒得好架，咁都烟un嘅，合格啦。
可能我唔太食得辣，呢度嘅冬阴公几合我胃口。𠮶种辣味轻轻的，入到喉咙先有微微刺激感觉。而且配料多，虾仔、草菇仔都吸晒汤味。不过我唔钟意连河粉...河粉同普通鱼蛋粉嘅河粉一样、无甚特别。我宁愿饮一大碗冬阴公
青咖哩鸡连饭上。不过我无试...对青色嘅食物有少少抗拒 (个人怪廦，与人无尢)，妈咪同家姐用黎捞饭食，话一啲都唔辣，而且食得出落左好多椰汁去煮，怕辣朋友可以试下。
临走打包一盒泰式金边粉俾妹妹食。一炒起我就八卦偷偷打开外卖盒。哗好香呀朕甜酸味，个粉仲好湿身。早知食呢个唔食炒粉丝啦 (我心谂)。
总结: 餐厅算系好简洁，但唔多唔少都有啲泰式装饰，灯光稍暗但几舒服。出去cashier埋单时仲惊见小时候婆婆屋企嘅拨轮式电话，令人兴奋。
食物味道中上，虽不至于惊为天人但甚有诚意，起码虾饼、串烧等都热辣新鲜。街坊价钱，算系抵食。
(P.S. 临走见到隔离枱食炉鱼同咖哩蟹，条鱼好香、咖哩蟹外观好吸引，希望下次有得试)
张贴