媽咪隨意屋 (已結業)

今日行远啲去长沙湾元州邨𠮶边揾嘢食 一入元州商场 就见到妈咪随意屋👩🏻本身见到个装修以为系冰室之类 睇真啲个Menu原来系食泰国菜👀见今日口淡淡就决定食啲浓味野啦套餐有五款 本身我好钟意食冬阴功 但见到佢竟然有泰式船面 好少泰国菜馆会做船面🍜所以决定食佢😋呢碗绝对系足料版船面✌️✌️有肥牛猪肉丸萝卜同埋炸猪皮 配金边粉 喺泰国食过地道船面就知道炸猪皮系必须嘅 炸猪皮吸晒汤底嘅精华 就好似我哋平时食鱼蛋粉要配炸鱼皮一样🥳萝卜好入味 汤底明显淆左好耐 香浓但唔会口渴 猪肉丸好弹牙 一咬落去爆汁 不过我下次会拣鸡肉 因为牛肉煮得有少少老下次嚟一定会食冬阴功汤 睇到个卖相都觉得吸引 临走𠮶时侍应姐姐仲好有礼貌咁问「点啊？好唔好味」果然小店系有人情味啲🥰