翡翠潮州小廚 (已結業)

喺黄埔附近住咗几年，都未帮衬过呢间潮州菜馆，今日比较夜收工，见佢门口拍到车，可以一路睇车一路食嘢，方便之选。晚市优惠套餐$258起，选择都几多，有港式潮州式𩠌菜选择，最后都选择两款潮州传统菜。至尊卤水我拼盘有齐卤水鹅片、鹅件、鹅肠、鹅肝及鹅肾等，份量都算多及平均，唔会有啲太多或太少；鹅片偏肥少少，所以特别滑；鹅肠爽身有咬口。基本上卤水味道浓厚但唔会太咸。海鲜蚝仔粥，基本上海鲜同粥的比例差不多1比1，海虾大大只，差不多有4只；两只原只带子，好鲜甜；鱿鱼的水准亦十分高，在粥底内煮了很久亦无变老；当然蚝仔数量超多，令粥底更鲜甜。一口反沙芋，都好少地方有得食呢一个甜品，我差唔多两年冇食过，我觉得佢哋嘅腰果俾芋泥更好食。