影片
更多
2024-08-07
370 浏览
半岛渔港系屋企附近开左一段时间，知道佢地晚市有火锅，一直都无机会试，今日趁我地两个同时平日放假，一于去试下。呢度虽然系做街坊生意，但系环境宽敞舒适，装修又够晒大气，一家大细聚埋一齐打边炉，真系一流！无限时任饮任食火锅，星期一至四，成人每位＄268，自助区有各式各样嘅饮品，汽水、茶、啤酒，有糖无糖咩都有，食物就有各式各样嘅蔬菜、丸、豆腐、菇、鱼皮饺、面等等，其他任食配料好似虾滑、鹅肠等等，就要落order。汤底我地叫左鸳鸯锅，一边系香浓嘅沙嗲汤底，另一边就系够晒特别嘅皮蛋芫荽汤底！沙嗲汤底捧出嚟𠮶阵，周围都闻到阵阵香气，真系好吸引呀！至于皮蛋芫荽汤底嘛，味道就比较清新，适合喜欢清淡嘅女仕们。等紧汤底上台嘅时候，店员就为我地送上限定嘅食物： 刺身拼盘有三文鱼、带子、北寄贝及甜虾，全部都好新鲜。阿翁极级牛颈肩就两至三位有一份细，不过一啲都唔细份，都有成廿几块，牛味香浓，肥瘦适中。蚝皇鲍鱼扣玉掌就每位每样一只，鲍鱼又大又肥美，口感一流，配埋酱汁，真系好好味，令人一啖一啖食过不停。环球海鲜盘有虾、蚝、扇贝、蛏子同墨鱼仔，全部都超级新鲜！蚝非常肥美，扇贝相当鲜甜，蛏子大大条，墨鱼仔非常爽口。至尊水
呢度虽然系做街坊生意，但系环境宽敞舒适，装修又够晒大气，一家大细聚埋一齐打边炉，真系一流！
无限时任饮任食火锅，星期一至四，成人每位＄268，自助区有各式各样嘅饮品，汽水、茶、啤酒，有糖无糖咩都有，食物就有各式各样嘅蔬菜、丸、豆腐、菇、鱼皮饺、面等等，其他任食配料好似虾滑、鹅肠等等，就要落order。
汤底我地叫左鸳鸯锅，一边系香浓嘅沙嗲汤底，另一边就系够晒特别嘅皮蛋芫荽汤底！沙嗲汤底捧出嚟𠮶阵，周围都闻到阵阵香气，真系好吸引呀！至于皮蛋芫荽汤底嘛，味道就比较清新，适合喜欢清淡嘅女仕们。
等紧汤底上台嘅时候，店员就为我地送上限定嘅食物：
刺身拼盘有三文鱼、带子、北寄贝及甜虾，全部都好新鲜。
阿翁极级牛颈肩就两至三位有一份细，不过一啲都唔细份，都有成廿几块，牛味香浓，肥瘦适中。
蚝皇鲍鱼扣玉掌就每位每样一只，鲍鱼又大又肥美，口感一流，配埋酱汁，真系好好味，令人一啖一啖食过不停。
环球海鲜盘有虾、蚝、扇贝、蛏子同墨鱼仔，全部都超级新鲜！蚝非常肥美，扇贝相当鲜甜，蛏子大大条，墨鱼仔非常爽口。
至尊水饺王就每位有一只，真系好大只，有成个拳头咁大，要渌一段时间先食得。
由于限定食物同自助区太多野食，要落单嘅配料我地只系叫左虾滑同鲜鹅肠，虾滑打得劲滑，入口弹牙，真系食到停唔口，鲜鹅肠既爽脆又鲜甜，简直系完美嘅配搭！
总括嚟讲，呢餐打边炉真系食得超满足！半岛渔港嘅食材新鲜，味道好之余环境又舒服，真系好值得推荐俾大家！如果你哋住喺天水围，或者想揾间好嘅打边炉地方，呢度真系唔错嘅选择。
张贴
