祥發茶餐小廚

营业中

休息中

鸡的部位当中我最不喜欢吃的就是鸡脾，但见到卖相是这样的鸡脾，又点都要试一试。 「祥发茶餐小厨」喺港运城附近，听讲以前在铜锣湾，最近搬了过来。一行入间舖枱枱都有一只瑞士汁鸡脾，似乎好出名。瑞士餐配搭多元化，简单来讲瑞士鸡脾／鸡翼／炸脾是主打，之后自己配饱佢，乜都有，我拣咗鸡脾，明明想配芝士吉列鱼柳天使面，但系把口就讲猪润米，我都唔明点解成日都控制唔到自己。 鸡脾先来，好靓，油淋淋，影相先。一切开，系咪鼻塞呢？冇味嘅？唔紧要，佢瑞士汁有味，味道偏甜，有少少姜醋feel ，只脾都入味但唔够滑。猪润米，好多猪润，不过好干，个汤冇味。＄33 有杯嘢饮，可以再试多次。