李強記煮意 (已結業)

今日北角过海去土瓜湾，揾完朋友聚旧，专登顺便周围睇下，一心揾个好地方食个靓晚饭。阿仔话好想食炒小菜晚饭。行咗一阵开始落雨，咁啱就行到呢间「李强记煮意」。餐厅门口摆放了餐牌，见到都有不少家常小菜，加上店铺装修崭新，相信应该新开张不久，见环境不错，一于就试下。入坐后发现原来都有不少街坊食客。店员介绍晚饭小菜套餐，包白饭，加$3可以加冻饮。最后选了阿仔最爱《鱼香茄子》（$68）同埋《啫啫鸡煲》（$88）。两个𩠌即叫即煮，鱼香茄子十分够镬气，茄子煮得好好，色泽好靓，保持到茄子嘅紫色，肉碎咸香又热辣辣，真系色香味俱全，送饭一流。啫啫鸡煲用沙煲上台，仍听到沙煲被加热后的「炸炸」声，啫啫鸡嘅香味扑鼻，即刻急不及待要食，不过真系要小心烫嘴。鸡肉嫩滑，配上冬菇、干葱头、洋葱、青椒配菜，味道调得恰到好处，最后清晒所有食物，一旧都冇剩。小菜套餐，除送白饭，亦有免费例汤。今晚系红萝卜排骨汤，啱晒冇时间自己煲汤嘅打工仔。而两个𩠌份量亦十足，味道相当不错，想品嗜一下有镬气家庭小菜，饮番啖冇味精靓汤，有机会大家一定要嚟试下。