囍囍美食

营业中

休息中

系做街坊生意既小店，门面唔算起眼，学校系福荣街对方，成日都会经过，系一次听人讲好味我先开始试，点知一食就当左佢系饭堂咁😂返一年学Lunch食半年每次一定会叫猪颈肉，质素好稳定，系其他有时真系好柴，虽然全部都系翻热，但味道真心唔差，调味料系精华，唔太健康但好香口最近开始成日都食娃娃菜同茄子，正常水准既茄子真心好味，但有时会淡左，娃娃菜就正常味，但买十次可能有一次机会老板未烧再淋，硬就唔好食了🫠价钱方面同食饭差唔多，一餐大概4串饱，60蚊左右，少少贵，但宜家咩都贵，做生意都唔容易既，食到啲好食既野就唔紧要啦，会继续支持到毕业