好運印尼餐廳

营业中

休息中

基本上每星期五都要去观塘上堂，而Mr.J都会嚟揾我食饭，今晚忽然谂起依间餐厅，就决定嚟食喇。嚟到嘅时候已经接近9点，都有7成满。餐单系黄底黑字无图画，其实有啲都唔知咩嚟，所以无叫，今次叫咗1)印尼炒饭(2)巴东牛肉饭(3)沙嗲猪肉个炒饭份量都几多，炒饭有啲虾、鸡肉同鸡蛋，上面有一只煎蛋同一堆虾片。我好欣赏个饭炒得好干身，而且食到落底唔会见到好多油，重点系够即炒嘅感觉，唔系翻叮。味道唔会太咸，食完无乜口渴嘅感觉。巴东牛肉饭啱Mr.J口味，够辣，不过啲牛肉就靭咗少少，而且唔够汁捞饭。沙嗲猪肉有6串，啲沙嗲酱好特别，应该有花生酱喺里面，所以食落去有啲花生粒同甜味。猪肉烧得几好，唔会熟到干哂。