森記甜品之家 (已結業)

紫米粥系度谂唔到食咩既话，我通常都会叫碗紫米粥。但系今次有d失准，杰得滞之余又无咩紫米，每饮一啖，个口都好似浆住左。煎萝卜糕朋友仔今年无得食我妈妈亲手制既萝卜糕，唯有叫碟安慰自己。一人一旧，不过真系唔对我胃口，全部都系粉，莫讲话腊味，简直系想揾条萝卜丝都无。好就好在，佢即叫即煎，热辣辣，又香口，加少少辣酱即时升价十倍。茶叶蛋自从妈妈无再自己整茶叶蛋后，都有几年无食喇。而家想揾个入味既「陈年」茶叶蛋真系好难，心谂呢间旧式糖水舖或者会有惊喜，所以就同朋友仔一人一只。好可惜...呢度始终都未令我满意，因为鸡蛋既表面都只系淡淡既泥黄色，蛋白部分有茶叶味，但仲未入到去蛋黄。