海港酒家

营业中

休息中

年初二，出去茶楼饮茶开年，揸车去咗天水围T Town，贪佢哋泊车方便，又多车位。𠮶日饮茶都几多人，不过等咗一阵间都有位。过年梗系有啲特别啲嘅点心，所以都要叫吓。睇完点心纸，叫咗髪茶蚝豉粥、春卷、烧卖、鸡蛋牛肉肠、蚬介鲮鱼球同埋黑金流沙包。个鸡蛋牛肉肠几特别，将啲鸡蛋捞埋落去啲粉度，几香鸡蛋味。炸鲮鱼球好多地方都有，不过呢度有蚬介酱，成个点心味道即刻提升咗，好食。流沙包卖相好好，出到嚟仲系有流沙嘅感觉，又唔系太甜。整体嚟讲，呢间茶楼点心嘅水准都唔差，喺过年时间有加多少少服务费，都系值得嘅，因为咁多楼面同厨房嘅伙计喺过年时都开工提供服务俾我哋。