富記大排檔

营业中

休息中

富记未装修之前系大排档格局，沙牛面出色系人都知，但夏天去就比较多蚊。依家装修完，已经无晒出面户外位，只系得室内。上次去食晚饭，普普通通，正常茶记晚饭小菜，不过无影相，所以不多提了。今次去食下午茶，选择都好多，友人拣左食沙牛面，久违了。仲有磨菇火腿炒蛋。不过沙牛面完全唔系以前果回事了，失望！无以前咁好咪味之余，仲有少少难食添，面好硬，沙牛亦唔惹味。另外叫左个公司三文治配薯条，薯条系典型波浪型，其实都好难会唔好食既，略嫌薯条份量少左啲。公治都好足料，但略嫌面包太薄身，内里馅料有蛋火腿餐肉蕃茄菜芝士，份量十足。冻奶茶，已经叫左少冰，但饮完成杯之后发现冰系占左大半杯既。所以整体饮落好淡，愈饮愈淡。楼下近近地食一餐都还可以。另外发现下午茶时间，客人系多过晚市架。