越式阿肥美食

营业中

休息中

今日又约左美国返黎朋友同佢老公，想食越式野我有推介，就系由细到大食开嘅阿肥, 泊好车后虽然见到同一条街新开嘅韩国野，但都无改变我地嘅目的地阿肥！由于得我识睇中文，我负责嗌野食： 串烧沙爹什肉 有牛肉、鸡肉、猪肉。牛同猪肉都好tender，鸡肉嫩滑配埋超好味洒上花生粒嘅沙爹汁，食落啖啖肉，四个人share每款一人一半系刚刚好，想encore但要留位食其他什锦拼盘 （炸扎肉，扎肉，熏蹄，牛肉虾片，炸虾，春卷） 刚刚炸起牛肉虾片铺上檬粉，配上越式汁加上牛肉，脆脆地好好味; 炸虾系虾打成嘅虾胶包住一条蔗炸起，一d都唔油林林，春卷就更好味，最钟意夹住檬粉同小小猪肉嘅味道，熏蹄就一早预备好的，面头围住jelly, 有好大粒黑椒喺里面，正！沙爹炸扎肉饭x2 终于黎主菜，li个系每次都必叫嘅饭，浓浓嘅沙爹汁渗哂入每粒饭粒。扎肉本身就有好多种食法，经过脆炸后再配埋沙爹汁就更加好味。