新記越式牛肉粉

营业中

休息中

街坊越南菜馆，一碗粉大约50-60元，沙律小食类都差不多是$50 上下。食粉加$5 有热饮。我食火车头金边粉贪佢样样𩠌都有啲。不过真系样样都有少少，𩠌唔多，金边粉好多。佢跟粉面自动会俾碗芽菜，青柠，金不换。不过唔好彩，我碗配菜倒咗落我碗面之后发觉有只嘢喺度行，细细只，不过街坊菜馆算数啦，我都冇出声，希望店舖留意番卫生情况。至于小食方面，叫咗几款，咁我影咗既有鸡翼，一份有六只，味道比较淡，牛油味唔足够，蒜蓉味较多。沙律就比较失望，酱汁太多，份量唔多，细细一碗。服务方面：因为冇乜需要服务，水系自己拎嘅，其他嘢都放咗喺枱面，不过店员好亲切有礼貌。间舖头好光猛，坐得都舒服。