可可店 (聯威新樓)

营业中

休息中

黎呢头做野，顺便揾间小食档歇歇脚。坐低睇睇下餐牌，突然觉得几肚饿，所以就叫左几款小食试试。蒜蓉鱼肉烧卖($16)系喺鱼肉烧卖上加左炸蒜同熟油，味道都唔错，不过烧卖咬口就争啲，唔算好弹牙，都系小弟尖沙咀食开果间好啲。香煎肠粉加鸡蛋($19)都唔够香口，蛋味有，如果可以再花心机煎多阵，啲蛋香脆啲会更好。香煎蚝仔饼($33)系似茶楼煎薄罉果种质地，少少烟韧，都食得到落左好多粒蚝仔。至于蚝仔新鲜度就尚可，小食店嘅规模同流量黎讲不能要求太多。炸凤城水饺($33)反而有啲惊喜，饺皮炸得好脆唔油，入面嘅馅都大大旧、热辣辣，点埋够classic嘅沙律酱都几开心。