幸時烘焙小吃

营业中

休息中

原来幸时又开多左间新分店，近朗屏那边，新店除左面包蛋糕外，仲有鱼蛋烧卖等小食，越来越多元化了。个胶袋未印新店地址买了一条班兰卷蛋试试，好重㖞，塞满个盒的。蛋糕厚实很饱肚，班兰味不强，新店少啲cream。另一日买了猪仔包，买三个有优惠。有手掌咁大个，新鲜出炉，软绵绵的，好有芝麻香，好食。见个样咁靓又买了一个冬甩，外卖不比冬甩专门店差啊，厚厚的朱古力酱好正，唔太甜。同场加影沙翁，其实个包底同冬甩差不多味，面无左朱古力换左做砂糖，个人钟意呢个多啲，甜啲又平啲，哈哈，好钟意食甜野。仲有旧店的朱古力卷蛋，同样重手，但旧店多cream好多。朱古力味出过班兰味，软绵绵的蛋糕好好味，多cream正啊！因为好钟意食cream，间中都会买下忌廉包，而加越来越少地方有卖了，人食得健康左，幸时个忌廉包好长，胶袋放唔直，包软身又多椰香，最正系好多cream，一咬爆出黎，劲满足。同小朋友庆祝生日又买左蓝莓芝士蛋糕，外观几靓仔。芝士同蓝莓足料，芝士饼厚滑，个人觉得好好味，小朋友好欢喜，家人就觉得甜左少少，各有各人口味啦。价钱跟同区的面包店差不多，但size大好多，又唔系空气包，属抵食呢。