嘉興餐廳

营业中

休息中

呢间茶记，喺10多年前经常来往西环嘅时候，就已经喺度，铺位细细，但都几多人帮衬嘅。10年后，终于搬来呢头居住，佢依然喺度，依然咁多人帮衬，餐厅嘅装修，冇乜点变，坐位依然咁迫，食物依然咁平。我比较喜欢食佢哋嘅特餐（即系常餐），一方面系平，另一方面系比其他嘅茶餐厅好好味（除咗个公仔面）。今次我食佢嘅樱花猪柳公仔面。樱花猪柳煎过好香，份量好多，亦都少少腍，老人家都𡁻得。公仔面就用茶餐厅用开既顶好面，但佢哋未免煮得过太过淋，索晒汤嘅水，公仔面要减分。佢哋嘅牛油猪好食，好脆，炒蛋同火腿都系算得上中上水平。整体而言，佢哋嘅常餐，质素系中上，价钱系平民，绝对系可以「返啅之选」。留意到好多食评，都批评呢间食肆，我想讲，可能因为呢间茶餐厅系家庭式经营，老板同老板娘都好似唔太志在揾钱咁，所以呢服务态度就唔似得出面街嘅茶餐厅咁殷勤。另外呢，由于佢系用半开放式厨房嘅设计，油烟就好多，婶婶又经常要拖地，搞到佢个地下跣到可以溜冰咁！呢样嘢呢，可能茶餐厅就真系要留意吓啦。最后还有一个抵赞嘅地方，可能因邻近电车厂，佢夜晚开到12点，绝对系夜鬼福音。