聚寶堂

营业中

休息中

放假约左朋友嚟蓝田既汇景广场行街，好耐无行过呢种街坊味道咁重既商场。行到肚饿，见到有唔少人嚟呢间餐厅食饭，餐牌上既食物选择都几丰富，一于试下。猪颈肉喇沙配新竹米粉加左份麻辣鸭血，有淡淡既麻辣香气，而且够哂大份。汤底既奶味几浓郁，唔算好辣。盏鬼鸡翼尖鸡翼尖几惹味，一放入口就有股辣冲击喉咙，呢股辣劲来得快去得快，几过瘾。煎猪肉馅饼外层轻轻煎过，咬落够哂热辣辣，作为小食都唔错。良缘 (凉粉、芋圆、烤地瓜配花奶底)花奶可以再落多啲，芋圆几烟韧弹牙，凉粉就够哂清凉爽口。杨枝甘露以冻饮杯装住，奶味偏重，西米既份量都几多，底下仲有啖啖芒果肉。