永順食店 (已結業)

住元朗嘅朋友推介我去元朗一定要试下永顺食店，话𠮶到嘅沙嗲牛面系元朗名物！好味之余仲好抵食！讲到咁一定要去试下啦！呢间嘢有2个门口入嘅，不过都要等啲阿姐安排坐位先可以入去，我三点几去到𠮶阵都有少少人龙，等咗五分钟左右就入得，呢到唔做晚市，晏昼五点半钟就收铺，我估计通常两点至三点最多人食！铺面唔大，所以啲人都要逼逼哋咁坐埋一枱，btw如果有洁癖千期唔好嚟，因为环境都唔算好干净！讲返嘢食先，超多沙嗲，劲浓，牛肉分量都多嘅，肉质正常偏软身！我加冇两蚊叫蟹黄面，因为之前食过同出前一丁都冇乜分别，呢到叫一丁系唔使加钱嘅！