影片
更多
2022-06-16
391 浏览
📍蒸庐 石门呢间点心我哋已经帮衬过唔少次(⁎⁍̴̛ᴗ⁍̴̛⁎)次次都有人龙系出面排队，虽然选择唔算好多，但系价廉物美，每次都食到好满足～🍽食物👍🏻鲣鱼丝金粟肉饼饭 $45佢哋嘅笼仔饭一向抵食夹大件，之前我哋食开蒜蓉海虾，都好好味！！今次就试吓肉饼饭。饭粒蒸得好干身，粒粒分明，肉饼嘅size有成个蒸笼咁大，粟米同绞肉捞埋一齐增加口感，不过我就觉得肉饼嘅质感稍为淋左啲，如果紥实返少少应该更好味。✨鲜虾菜苗饺 (特)饺皮晶莹通透，唔会好厚同埋有啲烟韧，啲馅仲要好饱满，入面有完只虾，不过有一粒穿左😂 👍🏻云石芝麻包 (大)芝麻包嘅馅好似芝麻汤圆咁，有麻蓉同好香芝麻味，但就唔系流心个种，而系比较实心，食晒三个都几漏下✨蟹籽烧卖皇 (特)烧卖够晒大粒，上到嚟仲系热辣辣，入面仲有虾仁，咬落去啖啖肉好弹牙～✨秘酱蒸凤爪 (大)凤爪系我每次饮茶必嗌嘅点心～ 佢哋嘅凤爪蒸得好淋好入味，轻轻一吮啲骨就会自动解体😂冇牙都食得呀👉🏻鱼汤虫草花鲜竹卷 (中)鲜竹卷入面嘅肉馅唔知点解同肉饼饭个味道同质感都好似😂 味道正常～👍🏻咖哩土鱿蒸豆卜 (顶)鱿鱼弹牙，咖哩汁好香同埋好入味，垫底嘅豆卜索晒咖哩汁，一咬就爆汁，够晒惹味～
石门呢间点心我哋已经帮衬过唔少次(⁎⁍̴̛ᴗ⁍̴̛⁎)次次都有人龙系出面排队，虽然选择唔算好多，但系价廉物美，每次都食到好满足～
🍽食物
👍🏻鲣鱼丝金粟肉饼饭 $45
佢哋嘅笼仔饭一向抵食夹大件，之前我哋食开蒜蓉海虾，都好好味！！今次就试吓肉饼饭。饭粒蒸得好干身，粒粒分明，肉饼嘅size有成个蒸笼咁大，粟米同绞肉捞埋一齐增加口感，不过我就觉得肉饼嘅质感稍为淋左啲，如果紥实返少少应该更好味。
✨鲜虾菜苗饺 (特)
饺皮晶莹通透，唔会好厚同埋有啲烟韧，啲馅仲要好饱满，入面有完只虾，不过有一粒穿左😂
👍🏻云石芝麻包 (大)
芝麻包嘅馅好似芝麻汤圆咁，有麻蓉同好香芝麻味，但就唔系流心个种，而系比较实心，食晒三个都几漏下
✨蟹籽烧卖皇 (特)
烧卖够晒大粒，上到嚟仲系热辣辣，入面仲有虾仁，咬落去啖啖肉好弹牙～
✨秘酱蒸凤爪 (大)
凤爪系我每次饮茶必嗌嘅点心～ 佢哋嘅凤爪蒸得好淋好入味，轻轻一吮啲骨就会自动解体😂冇牙都食得呀
👉🏻鱼汤虫草花鲜竹卷 (中)
鲜竹卷入面嘅肉馅唔知点解同肉饼饭个味道同质感都好似😂 味道正常～
👍🏻咖哩土鱿蒸豆卜 (顶)
鱿鱼弹牙，咖哩汁好香同埋好入味，垫底嘅豆卜索晒咖哩汁，一咬就爆汁，够晒惹味～
✨茶位$4/位(非假日嘅星期一至五免茶芥)
✨午市点心价钱：小点 $16、中点 $20、大点 $24、特点 $28、顶点 $32
⛩环境
👉🏻舖面好细，枱同枱之间都有啲迫，如果2个人食少不免要搭枱，同埋卫生情况有待改善
💁🏼♀️服务
👍🏻员工服务态度有礼貌，不过因为外卖单好多，佢哋会好赶急😂有时要加水都要等一阵
📝总评 8/10
呢到嘅点心即叫即蒸，所以嗌完都要等返3个字左右～ 食个时全部都系热辣辣，同埋佢哋CP值好高，人均$100已经食到捧住个肚，个芝麻包最后系要拎走😂 除左排队时间耐啲之外，都谂唔到有咩缺点啦～
👛人均消费 ~$100(冇加一)
张贴
