大叻越南牛肉粉餐廳 (已結業)

公司附近新开的越南餐厅，同事推介，今晚放工便来试下。别看是间小店，原来晚市仲要排队，味道应该唔会差。店内环境算系干净，墙上挂有菜品图画点缀，都有装饰过，唔系求其。侍应很热情，上菜速度也快，5分钟内有得食，good晚市一人餐，$45一个饭/粉，送两个越式丝网炸春卷加饮品，算抵食。今次叫左炭烧香茅鸡扒饭。鸡扒大大件，份量足。常见的炭烧鸡扒 or 香茅鸡扒就食过，唔知炭烧同香茅mix会系咩味？一啖鸡扒入口，原来真系炭烧味+香茅味鸡扒入味，不过咸左小小，送饭就得。鸡扒下面有蔬菜，仲有西生菜垫著，有心思。白饭不单单系白饭，上面有葱粒同炸蒜，令白饭不那么单调。成碟饭摆盘配菜中规中矩又不会太求其，作为一间平价越式餐厅已满足期待。不过食食下有苍蝇喺张台度飞来飞去，睇来环境需要改善。如果附近冇乜嘢食，呢度都算唔错的选择。