影片
更多
2014-02-25
2667 浏览
小弟晌返工日子一向食晏唔俾钱，原因只不过公司包伙食，甚少出街食晏，但既然老友大佬东难得晌广州返落嚟公司「述职」，突然打嚟叫我一齐食晏，当然点都要奉陪啦！虽然大家都喺「中环友」，不过一个晌东，一个晌西，就番佢工作位置，拣定嚟「佳美」食晏，然而，我就要由街头（相对嚟讲）行到去街尾，差唔多由中环嘅一边行到去中环嘅另一边。位处地库嘅佳美，入口细细，其实唔多起眼，虽然其为一间电影主题嘅酒吧餐厅，内里有唔少电影海报、人物剪影，但仅此已矣，讲真唔多觉有电影主题嘅气氛。由于临时临急，都无订到位，所以被安排坐晌高脚枱櫈用餐，对我哋两个男士而言，都无话有咩唔方便。一室主要都喺深啡衬白，不过，高脚櫈就改用鲜艳嘅橙红皮梳化椅。午餐套餐主要分为4大类：「创新健康沙律。素食」、「无限煮意。欧陆风情」、「魅力意粉。焗物」及「精选东南亚美食」，一共14款，部份款式订明可配有机红米饭、金粟菜香饭、鲜茄酱意粉或薯角野菜沙律，价位为$72 - $108，奉送餐汤及茶啡，如拣特饮则需要另外补钱，加一就惯例啦，温馨提示，要满$200先可签卡。小圆麦包．罗宋汤麦包就当然唔喺常见港式𠮶种，喺一小个粗麦嘅小圆包，犹幸小圆包仲带微暖，
位处地库嘅佳美，入口细细，其实唔多起眼，虽然其为一间电影主题嘅酒吧餐厅，内里有唔少电影海报、人物剪影，但仅此已矣，讲真唔多觉有电影主题嘅气氛。由于临时临急，都无订到位，所以被安排坐晌高脚枱櫈用餐，对我哋两个男士而言，都无话有咩唔方便。一室主要都喺深啡衬白，不过，高脚櫈就改用鲜艳嘅橙红皮梳化椅。
午餐套餐主要分为4大类：「创新健康沙律。素食」、「无限煮意。欧陆风情」、「魅力意粉。焗物」及「精选东南亚美食」，一共14款，部份款式订明可配有机红米饭、金粟菜香饭、鲜茄酱意粉或薯角野菜沙律，价位为$72 - $108，奉送餐汤及茶啡，如拣特饮则需要另外补钱，加一就惯例啦，温馨提示，要满$200先可签卡。
小圆麦包．罗宋汤麦包就当然唔喺常见港式𠮶种，喺一小个粗麦嘅小圆包，犹幸小圆包仲带微暖，包心软熟。而罗宋汤酸香醒胃，有啲辣劲，算唔错。
焗香草龙脷柳意粉配牛肝菌忌廉汁 $82大佬东拣咗个焗意粉，份量唔少，似模似样。少试了一口，龙脷柳都大件厚肉，不过香草味唔突出，意粉算喺合格，无焗过腍，但可惜啲喺个牛肝菌忌廉汁，牛肝菌香味欠奉，换嚟只有芝士香味。
香煎海虾南瓜意大利饭 $88小弟就拣意大利饭，一来都几钟意食意大利饭，二来用南瓜嚟煮，啱晒我。个饭煮得唔错，几浓香南瓜味，啖啖饭都带著南瓜香，此外，饭粒烟韧，口感满意，然而，香煎海虾只此一只，虽然呎码唔细，不过都喺两啖搞掂，幸好喺海虾挺新鲜，有虾味，几弹牙。
即磨咖啡餐饮点选咖啡，不过只有一般即磨咖啡，别无他选。咖啡几芳香，唔比连锁咖啡店差。
两个老死好好倾，家庭、工作、旅行、教会……乜都讲，已经提早蛇咗出去食饭，差啲超时添。
张贴
