尚民居酒屋

营业中

休息中

今日食芝心咖哩猪扒乌冬，惊喜地好食首先：定食的面豉汤小小咸，但系好多豆腐，一小碗，超码7粒，食极都仲有，不过得两小块海带沙律：摆盘好靓，沙律酱又唔系平日食开𠮶种醋味，酸得来又有小小辣辣的感觉，好清新乌冬：有赞歧乌冬的感觉，烟烟韧韧。店主有诚意之作。芝士在上面烧过一层，应该系用mozzarella ，拉丝之余又唔会好咸，同咖喱分开上，捞咖喱可以分开捞，好似沾面咁点又得。咖喱都好有诚意，又有薯仔又有萝卜。偏辣但系几醒神。芝心吉列猪扒：Size偏细但系几厚，够食。芝士多到涌出嚟，炸得几嫩滑，但系芝士有少少盖过咗猪扒味，吉列食到尾都仲系脆嘅。一样系做日本食物，比起同场另一间好太多。仲有串烧，可以下次嚟试。好食系一定要有下次帮衬。