影片
更多
2008-05-31
37 浏览
本来约咗朋友仔去练波, 但book唔到场, 加上我身体未回复状态, 所以都系迟d再练.消耗唔成, 唯有继续吸收. 今日特别日子, 食好D, 就去咗我想试咗好耐嘅岩浪食天妇罗.大家都叫自选十件Tempura Course $110.跟餐:1) 沙律菜几Fresh几Crunchy2) 蒸蛋太水3) 个饭超湿超难食4) 面豉汤ok5) 仲有一小兜黑色一条条唔猪系乜ge前菜6) 普通的一杯咖啡天妇罗:1) 本地活虾 - 都几新鲜弹牙2) 沙鱼 - 够厚肉鲜味3) 濑尿虾 - 鲜甜好肉4) 鲳鱼 - 普通白身鱼, 冇乜特别5) 带子紫苏叶 - 我好鬼钟意紫苏叶, 有佢特别香Ｄ, 带子都算爽甜6) 白鱼包梅肉 - 白鱼包住d酸酸地嘅梅子肉同汁, 几清新7) 蒸鲍鱼 - 爽甜弹牙, 好食 8) 白鱼海胆卷 - 点得太多白鱼, 开始有d麻木.9) 海胆 - 用紫菜包住D海胆炸, 外表酥脆, 入面软糯, 口感唔错, 但海胆炸咗就冇咗果种特有的鲜美, 所以not my cup of tea.10) 椎茸 - 又香又甜又juicy, 好味道!11) 年糕 - 朋友分半旧比我, 浸天妇罗汁,
消耗唔成, 唯有继续吸收. 今日特别日子, 食好D, 就去咗我想试咗好耐嘅岩浪食天妇罗.
大家都叫自选十件Tempura Course $110.
跟餐:
1) 沙律菜几Fresh几Crunchy
2) 蒸蛋太水
3) 个饭超湿超难食
4) 面豉汤ok
5) 仲有一小兜黑色一条条唔猪系乜ge前菜
6) 普通的一杯咖啡
天妇罗:
1) 本地活虾 - 都几新鲜弹牙
2) 沙鱼 - 够厚肉鲜味
3) 濑尿虾 - 鲜甜好肉
4) 鲳鱼 - 普通白身鱼, 冇乜特别
5) 带子紫苏叶 - 我好鬼钟意紫苏叶, 有佢特别香Ｄ, 带子都算爽甜
6) 白鱼包梅肉 - 白鱼包住d酸酸地嘅梅子肉同汁, 几清新
7) 蒸鲍鱼 - 爽甜弹牙, 好食
8) 白鱼海胆卷 - 点得太多白鱼, 开始有d麻木.
9) 海胆 - 用紫菜包住D海胆炸, 外表酥脆, 入面软糯, 口感唔错, 但海胆炸咗就冇咗果种特有的鲜美, 所以not my cup of tea.
10) 椎茸 - 又香又甜又juicy, 好味道!
11) 年糕 - 朋友分半旧比我, 浸天妇罗汁, 烟韧好味
食物用料普遍新鲜, 炸浆够薄, 但食天妇罗, 炸功也要紧, 岩浪明显唔及天扶良同稻菊, 剩系"Fig"油功夫巳差几皮. 不过胜在够平, 可以一试!: )
后话:
岩浪环境非常唔错, 但最令我地不满嘅, 系3位港藉师傅极度口水多过茶, 咁啱坐响我地隔离个男人又声大又多口又扮哂野, 佢侧跟嘅女伴亦不遑多让, 你一言我一语, 搞到果度成个街市咁 (是日吧台几多人).
节录骑呢对话如下:
1) 有人食寿司, 师傅Ricky切紧块鱼, 我隔离个大声公问佢乜鱼来, Ricky话系平政, 大声公懒幽默咁话"条鱼好平静㖞!", 我听到经巳毛管栋, 典知Ricky竟然加句: "平政鱼, 食咗就平平静静...". 真系纳闷到想呕!
2)大声公一路食一路"E" "E" "Ng" "Ng"话呢件好食果个点正, 夸张到c. 最搅野系佢连食完旧望落唔多新鲜嘅三文鱼都赞叹不巳!
3)大声公食完旧炸海胆拍哂台话点解咁好食, 完全唔腥云云. 见到我朋友刚食完, 就搭哂爹问佢好唔好食. 我朋友都唔想理佢, 求其应佢话ok, 点知佢继续大吹大擂, 不断重覆话旧海胆天扶罗点正点正, 最惊吓系佢讲讲下up咗句令我同朋友都R爆头嘅野: 唔! (作深呼吸状), 个海胆真系好....好....好....."和"!!!!
跟手就重覆咗呢句9千几次....
我同朋友到依家都唔明, 乜野叫做"好和"
4)大声公又慨叹食完今餐"lunch"对佢影响好深远, 话呢个完全系新开始, 因为佢原本好怕腥, 但食过旧唔腥嘅炸海胆后就对海胆完全改观...(喂呀! 炸咗嘅海胆系连海胆味都冇乜嫁啦, 你又对海胆改什么观呀???!!!)
5)仲得人惊嘅系佢话本来佢都好怕食3文鱼籽, 因为好腥(??!!), 依家唔怕lu...咁佢话3文鱼籽腥我巳经咄奇, 但最搞鬼系佢今餐应该冇食3文鱼籽的, 咁典解食完旧好"和"嘅海胆天扫罗会连3文鱼籽都啱食?
6)无奈地师传Ricky竟然搭哂嘴同哂意
7)大声公见我地响度影相, 又好煞有介事咁话: 唏我依家成日见人影食物相架, 我觉得好普通, (再加强语气) 好唔出奇啰!! *_* "
8)大声公又问中间个细细粒嘅师傅典解身上冇好似Ricky咁有个名牌, 细细粒话: 唏我地呢d 2打6只系负责扫地同执头执尾, 边有资格挂名片吖....
(佢当时帮手做紧野比我地食.....你系2打6都唔好咁大声吖, 你serve紧我地嫁麻 @@)
好不容易挨到大声公走, 点知跟手来咗一家三口, 又系嘈到拆天. 事后同朋友讲番, 大家都讲得一来系我地唔好彩, 遇着批多口大声客, 2来系d师傅风气唔好, 劲撩d客讲野, 本身师傅同客人倾两句实在无可厚非, 他佢地倾得太多, 太大声, 太up三up四...
本来大家想hea多阵倾下计, 最终都系顶唔顺, 36着走为上着!
张贴
