瀛風 (友愛街市) (已結業)

上咗朋友屋企倾计，讲到咁上下，大家见肚饿，就落咗去买外卖，原来系友爱街市入面，有好多小店系卖熟食嘅。好，睇下有咩好食先。泡菜豚肉饭，豚肉份量好多，而家食落有猪味，肉质软腍，唔会太多脂肪。咖哩吉列猪扒丼，原块炸猪扒，上到屋企都仲好香脆，咖哩汁少少辣，拌饭一流。蟹肉忌廉薯饼，外皮好苏脆，忌廉暖暖地好柔滑。七味唐扬子鸡，炸得唔错，咬落啖啖肉。跟饭有饮品，叫咗青苹果荔枝绿茶，菠萝草莓绿茶，甜甜地带啲啲果味，饮完好凉快。