KLN Cafe (已結業)

今日约左朋友观塘食饭，不嬲都觉得熟食市场好多隐世美食，好过食d大路野或者连锁餐厅。黎到熟食市场1楼，行行下就见到呢间cafe，门口已经好有花园feel啦。睇menu见到呢个自选意粉，好似几平又几吸引㖞，一于同朋友叫几个唔同既黎试下先。咁我就叫左呢个茄汁意粉，牛柳粒同带子。一上台见到只碟好特别㖞，而且闻落好香，即刻急不及待试下先。食落茄汁味好浓，意粉又唔会太淋太硬，味道岩岩好。最抵赞既系d牛柳粒，好有牛味同埋口感岩岩好。朋友就叫左粟米汁意粉，鸡柳同蚬肉。试左一啖觉得都好香，鸡柳又够哂嫩，不过缺点系份量太少啦。之后我地仲叫左个小食炸鸡翼，食落够哂脆而且调味岩岩好，外脆内嫩好味呀。叫左意粉+特色饮品有半价，我地叫左2杯，睇落好靓呀，又要相机食先了。不过饮落比较淡，都几解渴既。呢间餐厅既食物都几好味，不过就略嫌份量比较细，如果细食既女仔食就岩岩好啦。