屏欣仔傾下計 (已結業)

搬离铜锣湾后发觉仍然残留一堆未写嘅。但系今日突然间跳到来天水围第一篇。（冇嘅其实都系想写就写）呢间系屋苑附近街市入边嘅一间甜品店，只提供外卖。今日放假口淡淡天口又热㖞，但系粗身大细乜冰点都唔食得知唔知咁嘅天气食热野内心系无限句粗口。（胎教！）只好望住一堆雪糕轻叹咪住先见到有糖不甩，本人系非常钟意呢啲烟烟韧韧痴晒牙嘅嘢，由于即刻整嘅关系都等左5-8分钟左右。一盒八粒卖$18。至于味道系有惊喜嘅，由于糯米本身系淡身食口感，所以糖浆方面正常来讲系要比较浓甜先夹到。呢个价钱做到呢个效果味道仲要唔错一定会有下次。