屏欣仔傾下計 (已結業)

tastytommy良心食店 (85罷市 拒收某付款APP💛)屏欣仔有好多甜品食😍 之前佢話經營困難叫大家多d支持佢喎 大家就算係咪屏欣仔都好 落左天水圍西鐵都可以去下隔離個新街市幫襯呢間小店🤘🏻芒果班戟/芒果糯米糍💛 $28/26係現場忍唔住食左半件芒果班戟 皮唔會太厚 cream都唔太膩 雪返凍d應該更好食😋 糯米糍細細粒幾重手 大大粒芒果肉好香甜 唯獨糯米皮口感唔夠軟糯😌我係十月果陣買夠$50仲有9折 宜家唔知仲有冇

天水圍糖水店比起元朗少好多，通常都會喺元朗買。但近尼發現屏欣呢間糖水鋪，價錢親民就試試。買咗芋圓十分足料，煙煙韌韌，且糖水唔會過甜，呢個價錢尼講CP值算高！會再試試其他糖水！There’re not many dessert restaurants in Tin Shui Wai, so we gave it a try and bought Taro balls from this restaurant!! The price is cheap yet it’s quite delicious! And it’s a large portion given its price. Worth trying!

第一次為同一間食店寫兩次食評。雖然中過兩次伏，但前排見店主喺fb透露想搵人頂手，覺得好可惜（因為啲湯丸同竽圓本身冇問題，只要改良下啲糖水就搞掂），於是決定第三次挑機~見椰皇3.6成日賣晒，就揀佢啦！原價$40，依家做緊85折，都係$34，好鬼抵~而且椰汁味濃，3.6牛奶夠香，又嫩又滑又唔會太甜，唔覺唔覺就食晒成個，仲刮埋椰肉嚟食添~唔比返個正評都唔得啦~BTW，好多街坊都希望屏欣仔繼續撐落去，加油呀！

其實喺屋企附近有間糖水舖都唔錯，但可惜試過兩次都好難食...希望佢會慢慢改善啦。奶皇湯丸 $25今次試湯丸，總共有8粒，其實算抵食，味道幾似超市買嘅凌波小湯丸，但個糖水“疑似”係白砂糖開水，真係扣晒分...就算冇薑加片糖，都希望佢比啲誠意用黃糖開水...如果嫌麻煩嘅，其實用豆漿煮湯丸都好好味架...最多減兩粒湯丸或加幾蚊喇~🙄 竽圓小丸子 （凍）$18上次試嘅竽圓小丸子仲伏，雖然平賣$18，有爆多小丸子，不過竽圓同小丸子都冇乜味，仲只係加咗少少淡奶，外賣索到一堆小丸發脹晒，杰撻撻咁~好似食咗一大碗冇乜味嘅粉團落肚，OMG...😭

搬離銅鑼灣後發覺仍然殘留一堆未寫嘅。但係今日突然間跳到來天水圍第一篇。（冇嘅其實都係想寫就寫）呢間係屋苑附近街市入邊嘅一間甜品店，只提供外賣。今日放假口淡淡天口又熱喎，但係粗身大細乜冰點都唔食得知唔知咁嘅天氣食熱野內心係無限句粗口。（胎教！）只好望住一堆雪糕輕嘆咪住先見到有糖不甩，本人係非常鍾意呢啲煙煙韌韌癡晒牙嘅嘢，由於即刻整嘅關係都等左5-8分鐘左右。一盒八粒賣$18。至於味道係有驚喜嘅，由於糯米本身係淡身食口感，所以糖漿方面正常來講係要比較濃甜先夾到。呢個價錢做到呢個效果味道仲要唔錯一定會有下次。

向來鐘意食台式芋圓甜品見屏欣開左甜品店仲要引入芋圓甜品滿心歡喜去試芋圓仙草凍點知勁甜同埋勁硬我已經係買左返屋企即刻食成碗野得d 白色小丸子口感正常，甜度正常仙草就普普通通唔滑，但好易碎整體黎講真係非常失望另外之前試過芝麻糊同埋木瓜糖水，就正正常常每次都足料嘅，但食甜品唔係為飽肚，係為享受只能講抱觀望態度希望店主入貨前真係試清楚唔好心急同埋希望會繼續改進芋圓仙草呢d, 請店主至少都去下深水埗出名果幾間試下味，知道自己仲差d 咩！

Decided to explore the new Ping Yan shopping centre over the weekend and came across this little dessert shop. It wasn’t very busy, though the entire food court wasn’t either, but still I was a bit hesitant to try at first. However, I love taro balls, and in the end I decided give it a try. Turns out, the taro balls were delicious!! Just the right amount of chewy, and had really strong taro flavour, which I was genuinely surprised by and was not expecting at all from an unassuming shop in a quie