珞桐冰室 (已結業)

我谂大埔友好多都认识哩间餐厅，因为佢系唯二之一屹立系旧式街市既餐厅。主打街坊生意，比起舖位餐厅价钱合宜💯。有时买𩠌行开都会去食个tea轻松下，特别夏天就想饮返杯冻柠茶🥤。今次就叫左份虾多士拼薯条（$28+冻饮$3）同心心念念既冻柠茶。上台时热辣辣，薯条🍟系直身唔算粗个只，虽然够哂热但就唔系好脆。除左茄汁，仲附上只芥末酱，酸酸甜甜咁。主角虾多士🦐就有啲失望，虾肉部分无咩虾味但唔算粉，面包部分偏甜🍞，整体就唔系好食得出自己食紧咩咁。唯一抵赞就系炸得好香脆，满足到食炸物既口感。至于冻柠茶就不过不失，🍵茶底唔算香浓，但柠檬超足料🍋。