兩合海鮮火鍋飯店

营业中

休息中

琴晚心血来潮想食打冷！于是等男朋友放工后，就黎左呢度食喇！呢间打冷系我由细食到大，都好多年喇起码1x年！近几年我搬离左黄埔，所以有啲挂住佢特意返去食！两个人嗌左3𩠌，第一碟系卤水红肠墨鱼。佢有好多卤水拼盘选择，例如生肠鹅肠etc..自己可以单点双拼又得～任你嗌～碟野垫底今次用左芽菜，老实讲有啲失望😔之前都系卤水豆腐垫底的，唔知今次系咪无哂豆腐定佢转左啦～红肠就无咩特别正正常常，墨鱼就爽口有味 一啲都唔会硬到𡁻唔到！不过今次墨鱼数量略少！然后就上埋椒盐鱿鱼。以前都未喺度嗌过椒盐鱿鱼，今次第一次食。个炸粉我觉得略嫌有啲多，同埋唔知点解会连埋啲辣椒仔一齐炸埋😂 个鱿鱼本体就好食嘅，系咬得开，唔系好难咬果只～ 呢碟都ok ge!个金银蛋浸时菜就正正常常无咩特别啰。呢碟无咩comment ,好多菜啰 一男一女都食唔哂😂间野位于红磡街市楼上熟食层，所以唔好expect 环境会有几卫生。不过整层呢间占大部分客人都系帮衬佢，加上乞立左咁多年我由父母细过带我黎食，足以证明佢系一直有捧场客。如果唔介意餐厅环境嘅时候，呢间打冷不妨一试，价钱尚算便宜。