泰好運

营业中

休息中

想揾又好食又抵既泰国野，大家都会谂到系九龙城揾，但其实各区街市入面既熟食中心都隐藏唔少CP值极高既泰国菜！今日食呢间系保安道街市二楼，入街市一上电梯就系。午市套餐平均价$40包饮品。铺头厨师楼面目测都系泰国人。饮品试左热咖啡同冻奶茶，咖啡唔系来货茶记果种咖啡粉，奶茶茶味特别。好香～正餐叫左冬荫功鸡丝金边粉同埋红咖哩鸡扒饭。两者份量质素都唔差，出菜速度快。系略嫌唔够辣。不过岩我老公呢类怕辣既人。中意辣既建议可以叫加辣。另外我地见正餐唔错，有追加左一碟飞天芥兰。听到炒果阵厨房果啲好够火候既炒菜声，就知唔会差得去边。出到黎碟菜真系岩岩好熟唔会炒太老。泰式炒菜共通点就系好油。不过好好食，所以都成碟清晒。