Plato (已搬遷) 新店位置

刚刚落堂，已经八点半了，好肚饿，拿拿林去到间睇落唔错既西餐。谂唔到食咩好，简左个二人套餐同另外加左个青口。精选二人套餐 $428🍴蒜蓉牛油炒什菌好香牛油味，加上肚饿关系，好快已经清哂。🍝龙虾汁盐烧红虾天使面份量都算多， 天使面、虾肉弹牙，带有洋葱彩椒香味。🥩美国安格斯西冷牛扒.红酒烧汁好都大块，岩哂食肉兽，肉质带腍，黑椒味道较重旁边仲有两旧薯仔，减走油腻感。🍴白酒忌廉汁煮法国蓝青口 $128蓝青口够大只，带忌廉香味。🍰Tiramisu、蓝莓芝士蛋糕最后唔少得甜品，我简左个芝士蛋糕，芝士味唔重，但钟意佢唔太甜，所以成个食哂都唔会溜。