影片
更多
2023-11-22
24 浏览
呢几年喺大角嘴近利奥坊一带多咗好多值得一试嘅餐厅。今日就嚟到大全街嘅The Francesco 食意大利菜。本以为平平无奇嘅一间西餐厅，比想像中有多点惊喜。餐酒嘅选择非常多而且清一色都系来自意大利嘅葡萄酒。 而且Per Glass 嘅 wine 都到达DOC 级数以上，几有诚意。Le Rughe Prosecco Brut DOC半干口感嘅气泡酒，餐前饮开开胃嘅好选择。微香嘅青苹果同柠檬味感觉清新。Il Palazzo Chianti DOCG 2021黑水果味重嘅一款红酒，丹宁中等易入口。红酒会隐约散发土壤同皮革嘅味道。Caesar Salad with Smoked Salmon 烟三文鱼凯撒沙律系原条罗马生菜上嘅凯散沙律！沙律酱岩岩好唔怕太肥，烟三文鱼大大块仲配埋三文鱼子，性价比极高。Veal Tripe Roman Style on Ciabatta罗马式小牛肚意大利面包原来意大利人都会有食牛肚嘅菜式。味道少少辣几开胃，隐约嘅硬羊奶芝士增加咗Creamy 嘅口感，层次十足。Marinated Sous vide AUS Lamb Shank真空低温慢煮澳洲羊腿西餐经常性地食牛排
呢几年喺大角嘴近利奥坊一带多咗好多值得一试嘅餐厅。今日就嚟到大全街嘅The Francesco 食意大利菜。
本以为平平无奇嘅一间西餐厅，比想像中有多点惊喜。
餐酒嘅选择非常多而且清一色都系来自意大利嘅葡萄酒。 而且Per Glass 嘅 wine 都到达DOC 级数以上，几有诚意。
Le Rughe Prosecco Brut DOC
半干口感嘅气泡酒，餐前饮开开胃嘅好选择。微香嘅青苹果同柠檬味感觉清新。
Il Palazzo Chianti DOCG 2021
黑水果味重嘅一款红酒，丹宁中等易入口。红酒会隐约散发土壤同皮革嘅味道。
Caesar Salad with Smoked Salmon
烟三文鱼凯撒沙律
系原条罗马生菜上嘅凯散沙律！沙律酱岩岩好唔怕太肥，烟三文鱼大大块仲配埋三文鱼子，性价比极高。
Veal Tripe Roman Style on Ciabatta
罗马式小牛肚意大利面包
原来意大利人都会有食牛肚嘅菜式。味道少少辣几开胃，隐约嘅硬羊奶芝士增加咗Creamy 嘅口感，层次十足。
Marinated Sous vide AUS Lamb Shank
真空低温慢煮澳洲羊腿
西餐经常性地食牛排，想转转口味食羊都系不错嘅选择。羊腿肉肉质比起羊架更加juicy 同嫩口，而且一啲都唔骚，同杯Chianti 红酒几夹。
Spaghetti Carbonara
卡邦尼意大利粉
全晚最惊喜最令我想返deal 嘅菜式！ 卡邦尼意粉每间西餐厅都会on menu, 但做得出色嘅真系冇乜边几间。The Francesco 嘅卡邦尼意粉用咗猪面颇肉，用油炸到好似烟肉嘅香脆口感，味道偏重。配埋刻意啖味嘅意粉岩岩好拎到个Balance。用心诚意嘅处理值得令人回头再试其他菜式！
张贴
