九份飽 (蜆殼街) (已搬遷) 新店位置

作为北角街坊，经常都会捐窿捐啦揾下有乜新美食介绍比屋企人同朋友，得闲撑枱脚食。喺openrice就search到呢头有间九份饱，一于去试吓。赞：九份饱系几高质，价钱又唔错嘅弹：排队指示唔清晰，落单有出错店舖位置唔算显眼，会形容佢为街角小店。𠮶晚唔算太多客人，但因为铺头地方唔大，所以都要等10几分钟先入座，中间发生左小小插曲。一开始冇人等，店员比咗纸剔住食乜先，话等一阵就得，谂住坐门外嘅櫈边剔边等啦，点知后来陆续多食客，店员先讲门口右手边嘅位置先系堂食排队，话牌有写。建议派筹啦，人多都认唔到边个打边个，叫number实冇死。但公道啲，员工态度都叫几好，都有讲唔好意思。食物方面都确系有台湾地道风味，肉燥饭香口且肉粒半肥瘦，满口油香好正。卤味拼盘份量唔算多，鸡翼同蛋各一只，猪耳几入味。至于芋圆就好Q弹烟韧，加单要多碗添。铺头入面仲有好多唔同嘅台式饮品，下次都要试埋个红烧牛肉面！