The Little Corner (已結業)

跟友人食完串烧之后, 感觉喉咙有啲干, 原本打算去饮返杯鬼佬凉茶, 但系路过呢间雪糕店, 见到门口Hoegaarden纸板, 深深吸引住我地两位爱酒之人, 立即入去探个究竟, 原来呢度系主打Hoegaarden嘅雪糕店。先要左一杯粉红仙子（Pink fairy) , 外表非常之吸引, 颜色淡淡粉红, 原因系呢杯雪糕用左半支Rosée啤酒, 因此会有著Hoegaarden嘅味道同埋颜色。雪糕除左品尝到啤酒嘅麦味之外, 亦有著红桑梅味酸甜清新嘅感觉, 加上爆炸糖同埋蝴蝶脆饼, 口感加层次更见丰富, 绝对要一试!而友人则要左呢杯宇治抹茶雪糕, 选料方面极尽心思, 选用最优质既宇治抹茶粉同埋熊本牛乳雪糕打造而成, 因此抹茶味及牛奶味道相当平衡, 无互抢光芒, 但又同时掟放缤纷色彩。Toppings选取左抹茶曲奇及朱古力叶, 品质极具质素, 亦跟成杯雪糕风格一致。