臺坊 (加拿分道) (已結業)

厚福街太多人，所以今日就行多两步，黎到位于街角嘅台坊，店位细细，但选择都唔算少架!!💚炸猪扒肉燥饭猪扒大大件，占咗便当盒嘅3/4，炸粉好薄，食落唔会好油或者成口粉，扒嘅厚薄适中，肉质嫩滑之余仲有少少肉汁。肉燥甜甜地，加上少少菜甫增加口感，配上白饭一流!!!💚蒜汁鸡丝冷面呢度嘅鸡丝唔系平时嘅鸡胸拆肉，而系用咗鸡柳条，肉质嫩滑，加埋蟹柳、青瓜、蒜汁同秘制辣椒油，辣椒油嘅辣之中带有花椒味，捞埋蒜汁同冷面嘅味道超夹!!💚盐酥鸡炸得香脆但仍然保持嫩滑嘅肉质，炸粉薄，椒盐味唔算好重，整体黎讲好味但未至于有惊喜。💚芝士肉松蛋饼饼皮好薄但少咗台湾蛋饼嘅烟韧，蛋嘅厚度仲厚过饼皮，芝士肉松呢个组合基本上冇乜好挑剔，上面嘅酱多翻少少就更好!💚小麦胚芽奶茶💚小麦胚芽茉香奶绿两杯嘅茶味都比较重，个人认为奶绿比奶茶出色，绿茶底嘅茉莉香好重，可以一解炸物嘅油腻感。味道: 🌕🌕🌕🌕🌘服务: 🌕🌕🌕🌖🌑环境: 🌕🌕🌗🌑🌑价钱: 🌕🌕🌕🌕🌑