燒肉屋 (清風街)

营业中

休息中

今日同朋友發掘咗一間街角嘅燒肉屋，佢喺天后清風街唔太起眼，但係一入到去都幾有燒肉屋嘅氣氛，同朋友一齊食應該會幾開心。一去到嘅時候即刻會上幾款前菜，而且仲有生菜包俾你包住啲肉減低油膩感🥳💫A5宮崎和牛稀有三角腩油脂感比較豐富，建議包生菜或者同蒜片一齊食會清新啲，肉味幾好。💫香蔥薄切長牛舌切到超級薄嘅牛舌入面包住少少香蔥，呢個配搭好食，燒一陣好快就有得食。💫豬頸肉豬頸肉切到幼條，冇乜醃料，所以要自己點汁。💫流心熔岩蛋三文魚飯流心蛋加上三文魚上面再有啲沙律醬撈埋一齊食幾惹味。💫士多啤梨乳酸汽水の棉花雲朵我拎起睇落好靚，上面有粉紅色嘅棉花糖，仲有啲蝴蝶結糖，飲落就係士多啤梨味乳酸。💫百香果荔枝梳打呢個唔會太甜，酸酸哋幾清新。