影片
更多
2023-12-28
450 浏览
早前午市系度食，见到有两个客仔投诉，原来系食左几啖已经发现啲鸡未熟，仲要系冻冰冰既。咁果两个客仔其实态度都冇乜野，只系想睇下点解决，点知个阿姐爱理不理，仲串串贡，终于迫到其中一个客仔扬言话要打电话去总公司投诉啦。去到呢个时候，啲职员先开始识惊，拿拿淋谂住拎返啲鸡入个焗炉（定蒸焗）度，谂住整返熟佢，但呢下又搞到个2位客仔好惊讶。事关啲鸡系食过架，系掂过口水架，你就咁拎返入去，咪啫系个炉入面 d 口水/细菌/DNA 不断内循环？！后尾个阿姐有冇比返啲新食物果两个客，定系赔钱，我已经唔清楚。但最好笑既系，其中有个老职员，喺成件事开头既时候，系一粒声都冇出过，直至到果位阿姐一错再错，迫到个客打去总部既时候，佢竟然就挺身而出，讲左以下咁发人深省既说话～～～「做人呢～就唔好太过份～！」我即刻当头棒喝！1. 唔知系边个收人钱财，喺度返工负责食物，但系做野求求其其，得过且过，令到啲食物连最基本既 熟、热都做唔到既呢？2. 当食客发现问题，好声好气，纯粹想睇下点解决件事既时候，又系边个串串贡，当人西客，然后耍手拧头，想大事化小，小事化无，不了了之既呢？3. 当食客对接二连三既问题感到忍无可忍，扬言要打去
咁果两个客仔其实态度都冇乜野，只系想睇下点解决，点知个阿姐爱理不理，仲串串贡，终于迫到其中一个客仔扬言话要打电话去总公司投诉啦。
去到呢个时候，啲职员先开始识惊，拿拿淋谂住拎返啲鸡入个焗炉（定蒸焗）度，谂住整返熟佢，但呢下又搞到个2位客仔好惊讶。
事关啲鸡系食过架，系掂过口水架，你就咁拎返入去，咪啫系个炉入面 d 口水/细菌/DNA 不断内循环？！
后尾个阿姐有冇比返啲新食物果两个客，定系赔钱，我已经唔清楚。
但最好笑既系，其中有个老职员，喺成件事开头既时候，系一粒声都冇出过，直至到果位阿姐一错再错，迫到个客打去总部既时候，佢竟然就挺身而出，讲左以下咁发人深省既说话～～～
「做人呢～就唔好太过份～！」
我即刻当头棒喝！
1. 唔知系边个收人钱财，喺度返工负责食物，但系做野求求其其，得过且过，令到啲食物连最基本既 熟、热都做唔到既呢？
2. 当食客发现问题，好声好气，纯粹想睇下点解决件事既时候，又系边个串串贡，当人西客，然后耍手拧头，想大事化小，小事化无，不了了之既呢？
3. 当食客对接二连三既问题感到忍无可忍，扬言要打去总部投诉果时，又系边个求求其其，戆戆居居，毫无卫生意识咁乱咁补镬既呢？
4. 好喇，最后，食客卒之真系打去总部，你卒之知道事态严重，就竟然就识得话人「做人唔洗咁过份挂？」
过分既，其实系咪你地呢班职员呢？
张贴