天香牛什大王 (已結業)

琴日温度高达30度超晒﹐行经呢度见出面都坐满人﹐所以就入去食谂住里面会凉d. 点知里面既温度同出面差无几, 又焗﹐又热。(剩系见到佢地开把风扇﹐一d冷气都冇) 。地下就油淋淋﹐系里面行就好似流冰咁。坐底后﹐就拿起插系台上果d 叠埋一齐既menu来睇﹐但系d menu 就湿湿“立立” ﹐仲有小许啡色既液体滴下。卫生情况恶劣。最后叫左牛肚+牛肺河﹐老婆就叫牛肚面。汤底因为有蒜头﹐葱同冬菜﹐所以味道较浓但香。牛肚炆得几淋﹐牛肺亦脆嫩﹐几好。虽然呢度价钱大众化﹐但卫生方面应该起码要拥有基本既standards。