成都小巷米線雞煲

营业中

休息中

系open rice上面见到呢间铺好似好抵食咁，就走左去试。外卖左一碗两𩠌麻酱米线，点知拎到翻屋企，乜𩠌都无，搞到我又要特登走多去一转。去到我一话乜𩠌都冇，店员就好似知道乜事咁，俾返我要嘅𩠌，个反应就好似话俾我知佢系特登咁，真系好唔老实。最令人咋舌嘅系，个店员系带着胶手套拖地，然后继续戴住个胶手套去打开个外卖碗同捧住碗面去加𩠌，问题系佢前一刻仲带住个手套去揸住个劲污糟嘅地拖，成件事真系好呕心。出去食嘢污糟就预左，但系眼不见为干净都好，唔系摆喺我面前比我见到丫嘛。而且佢哋成个地下都一滩滩水，卫生条件真系好差。不过讲翻碗面，个麻酱汤底的确不错，味道同浓度都不错，食得出麻酱嘅浓厚感觉。我叫咗中辣，但系佢嘅辣度大概就系谭仔嘅小辣咁上下，而且佢个辣度唔会抢晒成个汤底嘅味道，个汤底做得真系好出色。但系𩠌就真系麻麻地，鸡翼尖有雪藏味而且有少少难食，芝士肠都有阵怪味。米线就不过不失，但系煮得有啲淋。总括来讲，系抵食嘅，但系唔老实同埋卫生条件差对于我来讲已经够令我唔会再回头食。