中意仿

营业中

休息中

生日就系有口福😋好友极力邀请到鲤景湾不起眼嘅「中意仿」，门面就系亲民装修嘅街坊食店，估唔到系一个卧虎藏龙嘅地方，除咗一般餐牌嘅小菜之外，原来仲有中式版嘅Omekase，即系私房菜😆1。鱼子酱伴手拆濑尿虾一共有三层；第一层夹杂鱼子酱食，鱼子酱喺口里面爆开，再加埋濑尿虾嘅鲜味，完全系冲击味蕾之作😋😋😋第二层有啲青柠皮碎伴食，带有泰式凉拌嘅清新第三层配合特制酱汁，少辣开胃，呢度菜作为头盘，为今晚嘅完美晚餐揭开序幕😍2。手拆松叶蟹素翅汤头足味，最惊艳系厨师人手拆嘅松叶蟹肉，鲜味十足，无蟹腥味，绝对唔系一般交货嘅蟹肉可比3。白灼澳洲牛肩胛鲜嫩幼滑，处理时间啱啱好，就连垫底嘅芽菜都食到一条不漏4。花竹虾粉丝煲送上枱已经充满虾油香味，食落更加不得了，你绝对系食到只虾嘅新鲜弹牙质感，每只虾头都充满虾膏，好食到想连啲壳都食埋，个粉丝送饭简直系一绝5。豉椒蛏子炸米粉（位上）爽、弹、脆，厨师仲要细心到将蛏子切细，女仔食都唔使惊尴尬，食到成嘴都系汁6。甜品拼盘最后当然要用佢哋最驰名嘅特式甜品作为完美嘅句号，佢哋每日都会有十几款甜品选择，每款份量唔会好多，就算有选择困难症嘅我，试多几款都唔会有罪恶感，加上服务员