盈圖

营业中

休息中

我表哥喺美国做工程师，最近返嚟香港休息几个礼拜，然后佢话好挂住点心。之前听女朋友讲，她同屋企人有去过一间叫盈图嘅中菜馆，味道非常好，可以带表哥去试下。查咗一下，佢哋喺大角咀海富商场度，铺面非常大，好快就揾得到。我都畀表哥做主，想食乜就叫，我请客。叫咗经典嘅「烧卖」，但系好有佢哋嘅特色，因为系鲍鱼烧卖。上面嘅鲍鱼好大只，一啖咬落去口感好丰富，味道好鲜美。仲叫咗「潮州粉果」，都系非常经典，香味好足，馅料好饱满，表哥超钟意呢味，佢话真系好香，停唔到口。仲有好经典嘅「虾饺皇」，呢度嘅虾饺好大粒，表哥一啖咬唔晒成粒，虾肉爽口弹牙，鲜美无比。我仲叫咗「榄角酱烧骨」畀表哥试下，我哋两个都钟意上呢味𩠌，用榄角酱喺排骨上面烧，风味十足，好好食。佢食完之后对呢度念念不忘，第二日又自己过嚟呢度食。