彩興來來火鍋 (已結業)

好耐都唔写食评，呢间野令我忍唔住要“分享”！话说呢间野话就话任食，点知惨过乞食，所有野按人头俾，每次每人两块牛肉两粒丸两条肠.....每次落单都要成十分钟先到，食到一肚火，仲有加一加酱料收费，平均每人接近三百蚊，我宁愿去大家乐食好过，起码我要牛肉加钱就有，仲要一碟一碟咁上，唔驶等施舍两块两块咁俾我，我反映过，个女侍应就话你食完就叫，大姐呀，每次两块，我食完消化左你先上多两块，我点食呀，净系叫野食都叫到炆，最后，三十分钟前已经要截单，我要粉丝，点知你又俾一旧我......我地三个人㖞.....个女侍应好串咁话，你截左单就无得再叫，厨房都唔会再俾.......谢谢，我以后唔会帮衬