紅磡冰室 (已結業)

大大话话食左十几次喇。或者赚左点名气之后就越黎越差。星期日预左排队。但朋友想试就陪佢食。但排左40分钟,冇人比筹冇人问几多位,所以唔可以走开加上靠啲食客自律排队。中途有人插队直入但店员扮见唔倒都见过(门口收银个黑黑地既扎马尾呀姐认熟客,生客佢就串爆你)。好。入到去点返常餐。瑞士鸡翼面同红豆冰朋友就食蕃茄通,冻鸳鸯。哗一食只鸡翼打冷震,上次就咸到死。今次个瑞士汁甜到。。。下面啲面冻哂而且开始硬一旧旧。红豆冰仲惨烈,下面堆红豆暖但上面加唔够水,用饮管根本饮唔倒。可以叫“冷暖红豆沙”至于朋友碗蕃茄通,佢话个汁好杰,牛肉话熟似猪膶。其实,佢新开食到而家,我觉得无论食物定侍应态度都每况愈下。假期更加感受倒大倒退。你根本唔会食倒平日既质素同坐得舒服,言则我以后假期可以去第二度食。废事好似今日咁边食边听倒收银呀姐怨太多客又发晦气。**插曲:我同朋友今日近坐门口既位置,今日有个女人黎买外卖,问lunch有乜餐,个收银呀姐“呢啲套餐咯!”跟住个女人问有冇其他,个呀姐丢个餐牌出黎“呢啲咯冇餐架”仲口um um朋友系到笑。细细声话“终于知点解头先你问我两次系咪真系要食呢间”