影片
更多
2024-07-29
1408 浏览
由呢间餐厅开业已经留意到，但系见到啲负评写到好差，所以久久都去试，有日终于扚起心肝，试完觉得好可能系俾人针对，睇真啲有啲负评讲到几差几差，但相都冇张；唔知系咪佢地睇左食评，佢地有主动俾share碟，最令我觉得有人特登搅佢地嘅系，Google map嘅营业时间系晚上11点至12点，就此，我特登开左个OpenRice ac要指证下呢班人，你中伤人系唔会令自己啲野好食啲，有时间就做好自己。我都惊自己话错人，所以喺繁忙与非繁忙时间都去过共三次先写食评：卡邦尼意粉前味有猪油香，中段系顺滑面体，后味系洋葱清甜，平衡到油腻感。意粉面体微硬，可能因为个人不喜al dente，但个汁顺滑配合到，不过讲到正宗就绝对唔系，我理解贴近正宗应该系芝士同半熟蛋浆，而佢有忌廉变左全顺滑，唔系浓厚芝士感，而且口感层次唔够多，猪腩可一部份久煎增加口感。（冇影相，正宗卡邦尼影得唻会变一pat野，呢度OpenRice唔系open camera)三黄鸡肉质嫩滑，上枱而皮保持到脆身，橙汁酸甜咸配合得宜。焗鸭肉质嫩，富鸭香，食过三次，其中一次腌得咸左少少。鸡鸭伴嘅焗蔬菜有好几款，秋葵、翠玉瓜、法边豆、蕃茄、小西兰花（试过有唔同配
我都惊自己话错人，所以喺繁忙与非繁忙时间都去过共三次先写食评：
卡邦尼意粉
前味有猪油香，中段系顺滑面体，后味系洋葱清甜，平衡到油腻感。
意粉面体微硬，可能因为个人不喜al dente，但个汁顺滑配合到，不过讲到正宗就绝对唔系，我理解贴近正宗应该系芝士同半熟蛋浆，而佢有忌廉变左全顺滑，唔系浓厚芝士感，而且口感层次唔够多，猪腩可一部份久煎增加口感。
（冇影相，正宗卡邦尼影得唻会变一pat野，呢度OpenRice唔系open camera)
三黄鸡
肉质嫩滑，上枱而皮保持到脆身，橙汁酸甜咸配合得宜。
焗鸭
肉质嫩，富鸭香，食过三次，其中一次腌得咸左少少。
鸡鸭伴嘅焗蔬菜
有好几款，秋葵、翠玉瓜、法边豆、蕃茄、小西兰花（试过有唔同配搭，唔孤寒，大概有1份蔬菜多少少）焗透唔㶶
张贴
